Nota que nos enviou MNG diante das prohibicións de manifestacións este 8 de marzo

NEM UM PASO ATRÁS
AS MULHERES NOM PODEMOS PERDER OS NOSSOS DIREITOS
06/03/2008

As delegaçons do Governo em Galiza denegaram as autorizaçons para celebrar as manifestaçons polo 8 de Março. A explicaçom é que o 8 de Março corresponde à jornada de reflexom e nesse dia nom se podem realizar actos políticos.

Levamos um longo caminho andado desde que em 1910 se acordava na Conferencia Internacional Socialista de Mulheres, celebrada em Copenhague, sinalar o 8 de Março como um dia de mobilizaçom e loita polos direitos das mulheres. Durante estes case que cem anos em nenhum país ocidental as feministas deixamos de recordar essa data.

Os partidos políticos tampouco, nem os sindicatos, sempre tentando aproveitar o rendimento eleitoral que pode proporcionar apoiar às feministas. Os actos do 8 de Março quedaram assumidos pelos Concelhos, Deputaçons, Secretarias-gerais, afastando às mulheres dumha comemoraçom que é nossa. As vozes críticas daquelas que nos atrevíamos a manifestar-nos em contra desta institucionalizaçom das nossas demandas forom minimizadas e ninguneadas.

Quando ZP assinalou o dia 9 como a jornada eleitoral, ignorava que o 8 de Março é o Dia Internacional da luta feminista?
Com toda seguridade preocupou-se de mirar o calendário de partidos de futebol, das procissons de Semana Santa… E quem se atreve a assinalar o 2 de Maio como dia eleitoral? Mas como se tratava das mulheres, que mais tem!

Nesta grave situaçom é penoso e lamentável o silêncio das mulheres de todos os partidos políticos ante a indiferença com que as cúpulas masculinas dos mesmos assumiram a decisom.

Abandonadas e ate perseguidas as organizaçons de mulheres somos quem de organizar protestas por umha das mais graves agressons contra o feminismo que sofremos desde a transiçom.

Mulheres Nacionalistas Galegas chama à participaçom activa do movimento feminista nas concentraçons e manifestaçons, autorizadas ou nom, que foram convocadas para o dia 8 de Março.

NEM UM PASSO ATRAS, AS MULHERES NOM PODEMOS PERDER DIREITOS!

ACTOS PROGRAMADOS PARA O DIA 8 DE MARÇO DE 2008

-Ponte Vedra: Às 20 h. na Praça 8 de Março.
-Vigo: Às 12 h. na Praça 8 de Março.
-Ourense: Às 13 h. diante do Julgado.
-A Corunha: Às 12 h. na Praça de Quatro Caminhos.
-Ferrol: Às 12 h. diante do Julgado (R/ Corunha).
-Compostela: Às 20 h. na Praça 8 de Março.

--
Por umha sociedade laica.
Polo nosso direito a decidir
www.feminismo.org
mng@feminismo.org
Local Nacional: Garcia Barbom 13-1º ofc. 3.
Vigo - Galiza